Fyrir nokkru var þrísagt í sama fréttatíma RÚV sjónvarps, að forsetafrúin væri að aðstoða við að markaðssetja stólpípumeðferðina sem athafnakonan Jónína Benediktsdóttir rekur nú við Mývatn. Að því var þá vikið á þessari síðu. Af fréttinni var ómögulegt að ráða annað en að frú Dorrit Moussajeff væri einhverskonar verndari eða markaðstjóri stólpípu- og afeitrunarmeðferðar Jónínu. Forsetaskrifstofan sendi RÚV leiðréttingu þess efnis að þetta væri allt misskilningur hjá Jónínu Benediktsdóttur og fréttastofan varð að birta leiðréttingu. .
Í kvöld var enn ítarlega fjallað um meðferðina við Mývatn í fréttatíma Sjónvarpsins. Þetta var ekki frétt. Þetta var hrein auglýsing, ókeypis auglýsing, nokkurra milljón króna virði. Hvar eru nú hin faglegu vinnubrögð sem hamrað er á í auglýsingum um ágæti fréttastofunnar? Þau eru víðsfjarri. Þetta var ófagmannlegt. Svo er auðvitað óþarf að kalla þetta „detox“. Það er enskusletta. Stytting á orðinu „detoxification“ sem á íslensku heitir afeitrun. Hversvegna ekki kalla hlutina réttum nöfnum ?
Það er auðvitað óviðeigandi að spyrja hvort Jónína hefur boðið starfsmönnum RÚV upp á stólpípu við Mývatn. Þessi mikla umfjöllun hlýtur að eiga sér einhverjar skýringar. Kannski á Jónína bara svona góða vini á fréttastofunni.
Þessi umfjöllun er í hæsta máta óeðlileg. Vinnubrögð af þessu tagi auka ekki traust á fréttastofu RÚV.
PS Í fréttum Sjónvarps RÚV í kvöld var líka sagt frá „óvæntum tónleikum“ Bubba Morthens við Seðlabankann. Þeir voru nú ekki óvæntari en svo, að sagt var frá þeim í fjölmiðlum í gær, – kannski var fréttastofan þá bara ekki á vaktinni.
5 athugasemdir
Ekkert ping ennþá
Tora Victoria skrifar:
11/02/2009 at 15:37 (UTC 1)
Þetta sem þú ert að benda á hefur viðgengist lengi hjá RÚV. Við getum talað um listsýningar sem dæmi, sumir listamenn, en ekki aðrir, fá umfjöllun í lok frétta: „Við endum svo fréttatímann á því að líta við á myndlistasýningu …“ Sum leikhús, en ekki önnur, fá umfjöllun um nýjar uppfærslur bæði í kastljósi sem og í fréttum. Ákveðnir tónlistarmenn geta bara mætt í myndver og „plöggað“ sína tónleika eða plötu, o.s.frv.
Það eru sum fyrirtæki með starfsmenn, svokallaða „almannatengla“ einmitt til að „búa til“ fréttir sem eru ekkert annað en dulbúnar auglýsingar.
Þetta má alls ekki viðgangast á ríkisfjölmiðli sem á að gæta hlutleysis og jafnræðis.
Marilyn skrifar:
11/02/2009 at 15:31 (UTC 1)
Er þetta ekki bara eitt dæmi um það hvernig hægt er að styrkja „sprotafyrirtæki“ 😉
Ómar Valdimarsson skrifar:
11/02/2009 at 13:25 (UTC 1)
Verra er þó að þessar afeitranir eru í besta falli skaðlausar. Nýlegar rannsóknir sem ég var að lesa mér til um (m.a. í Economist) sýna fram á að 'afeitranirnar' gera ekkert gagn – nema fyrir þá sem lokka til sín trúgjarnt fólk. Hitt er svo annað, að ef maður trúir því nógu heitt að það sé gott fyrir mann að fá stólpípu, þá virkar það ábyggilega…
DoctorE skrifar:
11/02/2009 at 10:43 (UTC 1)
Ég var frekar hissa á að rúv væri að plögga Jónínu Ben… með sinni skítasugu sem hún segir faktískt að leysi allan vanda… hún eiginlega talar eins og Jesúína.
Rassskolun getur haft ýmsa kosti.. en að þetta sé eins og Jesúína segir er fjarstæða, hún sagði líka á bloggi sínu um daginn að loka ætti lyfjafyrirtækjum… og að hún yrði viðurkennd af TR..
Rassa Gudda Jesúdóttir. 😉
Kvarði skrifar:
11/02/2009 at 09:46 (UTC 1)
Þetta er alveg rétt hjá þér og fréttamenn verða að taka sig á. Þessi vinnubrögð þeirra eru ekki til þess að auka traust og torséð að þau gagnist almenningi. Það verður seint sagt að frásögnin af stólpípu- og afeitrunarmeðferð teljist „human-interest“ frétt, en ef því er haldið fram verður að segjast eins og er að margt annað í samfélagi manna væri vert að fjalla um þessa dagana.
Bubbi var búinn að boða óspart tónleikana og mótmælin í þættinum sínum á mánudagskvöldið. Sá þáttur er algjörlega að missa marks að mínu viti og Bubbi hefur gleymt sér í þessari krossferð þannig að þáttastjórnunin líður fyrir. Það var nefnilega áhugaverðara þegar hann hélt betri einbeitingu gagnvart gestinum sem kom í þáttinn.