Í vikuritinu TIME, nýjasta heftinu (dags. 16 febrúar 2009) er grein sem heitir “Detox Shmeetox. The truth about pollutant-draining footpads, colonics and other supposedly healthy cleansers”. Auðvelt er að nálgast greinina á netinu. Höfundur hennar er Alice Park.
Í greininni er vitnað í Dr. Benneth Roth,sem er yfirmaður meltingarlækninga við UCLA. Hann segir um stólpípu- eða afeitrunarmeðferðina (Detox) : “ Þetta er 2009 útgáfan af snákaolíu sölumennsku”. Fyrir þá sem ekki vita, skal þess getið að upphaflega var snákaolía nafn á kínversku lyfi gegn liðverkjum. En nú er orðið snákaólía mest notað um gagnslaus lyf ,sem prangað er inn á fólk undir því yfirskini að lyfin geri kraftaverk.
Annar vísindamaður Dr. Christine Laine , aðstoðarritstjóri ritstjóri læknatímaritsins “Annals of Internal Medicine” segir í þessari sömu grein: “ Það eru engin vísindi að baki þessum afeitrunar tilboðum”. Í annarri umsögn á netinu var sagt að það eina sem léttist við stólpípumeðferðina sé pyngjan.
Það er alvarlegt mál þegar fréttastofa Ríkisútvarpsins lofsyngur skottulækningar af þessu tagi, skottulækningar, sem enginn græðir á , nema ef til vill sá sem skipuleggur meðferðina.
Það er svo sem ekkert við því að segja, ef einhverjir telja það heilsubót að hafa hægðir norður við Mývatn, en frásagnir þeim miklu klósettsetum eiga ekkert erindi í fréttir Ríkisútvarpsins.
3 athugasemdir
Ekkert ping ennþá
Fannar frá Rifi skrifar:
13/02/2009 at 10:11 (UTC 1)
ef þú étur venjulegan mat sem þú eldar sjálfur og hreyfir þig svona rétt aðeins þá áttu að geta lést vel. Ég léttist um tæp 10kg sjálfur bara á því að byrja að skokka einu sinni til tvisvar í viku og að elda matinn minn sjálfur en ekki kaupa eitthvað tilbúið. samt drakk ég bjór, kók og borðaði mikið af sætindum og kökum. er núna 2 árum seinna ennþá 18kg léttari en ég var þegar ég var þyngstur og í fínu formi og stunda litla líkamsrækt. það þarf ekki mikið til.
Elín Sigríður Grétarsdóttir skrifar:
13/02/2009 at 03:09 (UTC 1)
það er himinn og haf á milli oftrúar á vísindum og detox dellunni …
Georg P Sveinbjörnsson skrifar:
12/02/2009 at 16:22 (UTC 1)
Er ekki bara gott mál að fólk segi frá frábærum árángri og betri líðan og fréttir fluttar af því, þeir sem farið hafa í svona meðferðir og líður betur á eftir vilja auðvitað deila jákvæðri reynslu sinni og árángrinum sem næst. Þekki marga sem hafa náð ótrúlegum framförum með sína heilsu með óhefðbundnum lækningaaðferðum, það er fleyra viska en vísindi og oftrú á þeim varasöm.
Hoxey