Einhvernveginn finnst mér ,að það ætti að vera sjálfgefið að kjöt af lömbum sem alin eru á hvönn hafi hvannarkeim eða hvannarbragð. Tvílemba,sem afi minn átti gekk í hvannastóði við Réttarholt í Garði sumarið 1948. Kjötið varð næstum óætt, svo megnt hvannarbragð var að því.
Hélt annars að það væri bragð að mat en ekki af mat.
Bragð af mat þýðir allt annað en bragð að mat. ekki satt?
|
Hvönn hefur áhrif á bragð af lambakjöti |
3 athugasemdir
Ekkert ping ennþá
Eiður skrifar:
13/09/2007 at 20:07 (UTC 1)
Orðabók Menningarsjóðs segir: Bragð af mat, – ögn af mat , nóg til þess að finna bragð. Algengt er að sagt sé: Það er gott bragð að matnum. En orðabókin segir líka: Það er gott bragð af matnum. Tilbrigði málsins eru mörg.
Svala Erlendsdóttir skrifar:
13/09/2007 at 15:16 (UTC 1)
Bragð er að þá barnið finnur, segir gamalt máltæki, sumsé það er mikið bragð. Ég segi samt alltaf bragð af matnum en held að það eigi að vera að
Hallgrímur P Helgason skrifar:
12/09/2007 at 17:55 (UTC 1)
Það er talað um að mikil brögð séu að einhverju. En bragðið kemur af matnum ( bragð af mat ), hundar finna lykt af mat. Bragðið af matnum er gott ( ekki bragðið að matnum ). Þetta er alveg afbragðsgott!