Það er nákvæmlega sama hver niðurstaða þessa máls hefði orðið Bjarni og Sigmundur hefðu alltaf talið hana óviðunandi. Flokkar þeirra bera þó öllum öðrum meiri ábyrgð á því hvernig komið er fyrir þjóðinni. Upphaf málsins var þegar flokkar þeirra gáfu vinum sínum ríkisbankana. Þar eru ræturnar. Það þarf karlmennsku og kjark til að ljúka þessu máli. Vonandi hefur stjórnarliðið það. Lýðskrumið og ábyrgðarleysið hjá forystu Sjálfstæðisflokks og Framsóknarflokks mun halda áfram. Vita þessir menn ekki að þeir eru að misbjóða þúsundum sinna eigin flokksmanna með þessari framkomu ? Það þarf ekki að tala við neinn fjölda til að komast að því.
|
Óviðunandi niðurstaða |
10 athugasemdir
Ekkert ping ennþá
Sigurður Helgason skrifar:
19/10/2009 at 00:44 (UTC 0)
Nafnleysingi er þetta málflutningur þinn, veist ekki hvað þú ert að segja, þeir hafa ekki borgað neitt enn og Rússagullið var bara blekking, þetta var gjöf svo tóku þeir alla peningana út í boði sjálfstæðisog framsóknar,
Ef þú vilt að sjálfstæðisflokkurinn nái trausti á nýjan leik þá er betra fyrir þig að seigja,
Predikarinn - Cacoethes scribendi skrifar:
19/10/2009 at 00:29 (UTC 0)
Feðgarnir illa þokkuðu eru sagðir hafa greitt 2/3 hluta kaupverðsins með fjármunum sem þeir komu með í farteskinu og fengu 1/3 lánaðann hjá Búnaðarbankanum/Kaupþingi. Þá skuld er Björgólfurinn yngri í persónulegri ábyrgð fyrir. Búið er að lýsa því yfir að Steingrími J. og Finni bankastjóra að ekki verði afskrifuð 1 króna. Þannig mun ríkíkissjóður hafa fengið hlut þeirra í bankanum borgaðan upp í topp. Það á enn eftir að bíta úr nálinni með hvort Kaupþingsskuldin fáist innheimt.
Eftir stendur að bankahluturinn var greiddur ríkissjóði að fullu. Þannig stendur fullyrðing þín um að bankinn hafi verið gefinn ekki undir nafni, að sinni að minnsta kosti. Spurningin er hvort Björgólfur yngri eigi fyrir Kaupþingsskuldinni.
Sigurður Helgason skrifar:
18/10/2009 at 23:47 (UTC 0)
Já og ekki gleyma mikilvægasta málinu daginn eftir hrun, lagafrumvarpinu um áfengi í verslanir,,,,,
þar sýndi sjálfstæðisflokkurinn mikla ábyrgð,
Jón Ásgeir Bjarnason skrifar:
18/10/2009 at 22:23 (UTC 0)
Það lítur út fyrir að þið hér ætlið ekki að vinna mikið fyrir þessum „viðunandi“ samningum!
En það verða nú ekki feitir félagssjóðirnir ykkar og norrænna velferðarpostula eftir þetta. Mikil er trú ykkar á forystu núverandi stjórnar!!
Eiður Svanberg Guðnason skrifar:
18/10/2009 at 21:52 (UTC 0)
Staðreyndin er sú að nú fer fram og mun fara fram endurskipulagning og uppbygging atvinnulífs á Íslandi. Íhald og Framsókn koma ekki að málinu. Eftir að hafa ráðið öllu sem þeir vildiu hér í áratugi eru þeir ekki með, standa álengdar og garga á hliðarlínunni, áhrifalausir áhorfendur. Þannig er best að það verði um langa framtíð.Ragnar Örn, – ég held að sá sem kallar sig Prédikarann sé úr öðru sólkerfi en okkar.
Ragnar Örn Eiríksson skrifar:
18/10/2009 at 21:38 (UTC 0)
Hvaða plánetu er þessi predikari eiginlega frá??? eitt er víst að hann er staurblindur ef honum er alvara með þessum auma pistli hér að ofan. Þetta icesafe mál er tilkomið vegna froðusnakka D og B flokkanna og ég held að þeim Bjarna og Sigmundi væri hollast að steinþegja og skammast sín. Því fyrr sem lausn kemur í þetta mál því betra og þá getur uppbyggingin byrjað hérna en ég er líka fullviss um að við það eru froðusnakkarnir hræddir við því þá hafa þeir ekkert lengur til að froðufella yfir.
Eiður Svanberg Guðnason skrifar:
18/10/2009 at 21:07 (UTC 0)
Greiðslurnar fóru fram með gagnkvæmum lánum úr Búnaðarbanka og Landsbanka. Þau lán hafa víst ekki verið að fullu greidd. Horfið var frá dreifðri eignaraðild. Án viðhlítandi skýringa. Hagstæðustu tilboðum var ekki tekið. Fulltrúi Sjálfstæðisflokksins hafði hugrekki til að segja sig úr einkavæðingarnefnd. „Hafði akldrei kynnst öðrum eins vinnubrögðum“. Þessi viðskipti voru hámark helmingaskiptanna. Skora svo á þig að sýna hugrekki og skrifa undir nafni, – fela þig ekki í skálkaskjóli nafnleysis.
Predikarinn - Cacoethes scribendi skrifar:
18/10/2009 at 19:51 (UTC 0)
Með hvaða rökum færð þú þá niðurstöðu að ríkisbankarnir hafi verið „gefnir” ?
Ég minnist þess að mér buðust hlutabréf í Landsbankanum daginn fyrir, eða fáeinum dögum fyrir þann dag, að hinir illa þokkuðu Björgólfsfeðgar keyptu 45 eða 47 % hlut í bankanum. Mér var boðið hvert hlutabréf á lægra verði en þeir keyptu sín bréf síðar. Þannig lítur það út fyrir mér að mér hafi verið boðin gjöf en þeim ekki.
Eiður Svanberg Guðnason skrifar:
18/10/2009 at 19:47 (UTC 0)
Jón Steinar, — lestu Steina Briem hér að ofan. Framsóknarmenn og Sjálfstæðismenn hafa ekkert annað til málanna að leggja en að þetta sé ómögulegt. Framkoma þeirra er Íslandsmet í lýðskrumi og ómerkilegheitum. Við hverju er svo sem að búast af mönnum sem fæddir eru með silfurskeið í munni.
Jón Steinar Ragnarsson skrifar:
18/10/2009 at 18:11 (UTC 0)
Þú vilt þá meina að þetta sé viðunandi? sérstaklega í ljósi þess að þú hefur fundið út að þetta sé einhverjum ákveðnum flokkum að kenna? Ætli almenningur í landinu sé á sama máli um þetta? Hvað heldur þú? Að það sé nóg að geta bent á sökudólginn og þá sé það sársaukalaust að verða hnepptur í fátækragildru um ókomna framtíð? Er ekki í lagi með þig maður? Eru þetta trúarbrögð fyrir þér?