Sá sem skrifaði þetta í vefmiðilinn visir.is (18.12.2009) skilur ekki muninn á því að kjósa og greiða atkvæði.: .. var undir áhrifum áfengis þegar hann kaus á Alþingi í gær .. Umræddur þingmaður var ekki að kjósa , heldur greiða atkvæði.
Ekki batnar fréttin þegar fram í sækir: Ekki kom fram hvaða mál hann var að kjósa um. Það hefur örugglega gerst nokkur þúsund sinnum sinnum á Alþingi að þingmenn hafa tekið þátt í atkvæðagreiðslu eftir að hafa dreypt á dýrum veigum. Sannarlega er það ekki til fyrirmyndar, en fjölmiðlar þurfa ekki að láta eins og þetta sé eitthvað sem aldrei hafi gerst áður. Blaðamenn vita betur. Molaskrifari skilur Ögmund að vilja ekki í viðtal eftir að hafa dreypt á víni með mat. Það er hinsvegar fráleitt hvernig Kastljósið sagði frá þessu máli. Olli Ögmundur hneykslan á þingi? Varð hann sér til skammar ? Nei og aftur nei. Hann hélt fast við reglu ,sem fleiri þingmenn ættu kannski að tileinka sér.
Skildu eftir svar