Það þarf ekki að velkjast í vafa um hver sé misheppnaðasta tónsmíð þessa árs. Þótt aðeins séu liðnir tveir mánuðir af árinu verður metið vart slegið. Þetta er nýtt fréttastef Ríkisútvarpsins hljóðvarps. Það byrjar dauflega og rennur einhvern veginn út í ekki neitt. Endar í einhverskonar áherslu lausu tómarúmi. Gamla stefið var gott og ekkert að því. Ef þetta er leið nýs fréttastjóra til að setja mark sitt á fréttirnar þá hefur illa til tekist. Mennilegra væri ef hann beitti sér fyrir því að fréttir væru á klukkustundarfresti allan sólarhringinn eins og hjá alvöru útvarpsstöðvum.
Gamla stefnið var ljómandi gott og eins og ameríkanar segja:“ If it aint broken don´t fix it“
Má ég biðja um að gamla stefið verði endurvakið til lífs?
1 athugasemd
Ekkert ping ennþá
Ásvaldur Kristjánsson skrifar:
01/03/2007 at 22:42 (UTC 1)
Allveg sammála, stefið í mínum huga hljómar ómarkvisst og kallar fram hugblæ um loftbólur sem springa út í loftið. Fréttastef þarf að vera ákveðið og undirstrika áreiðanleika, stefnufestu og traust. Nýja stefið vantar þetta allt.