Nýrri ritstjórn Morgunblaðsins fylgja nýir pistlahöfundur. Á laugardaginn var lagðist Morgunblaðið í ræsið með birtingu pistils eftir Sverri Stormsker um Ingibjörgu Sólrúnu Gísladóttur. Ritstjórarnir leggja blessun sína yfir sorann. Þessi pistill er eitt það sóðalegasta sem ég hef lesið í dagblaði. Þetta er verra en gamli Þjóðviljinn þegar hann var sem verstur og verra en orðljótustu leiðarar Jónasar Kristjánssonar, skrifaðir í geðillskuköstum.
Fyrirsögn pistilsins er klámkenndur orðaleikur.Viljandi gert. Morgunblaðið misbýður mörgu fólki með þessum skrifum og kemur þá pólitík ekkert við sögu.
Ritstjórnin er annaðhvort með öllu dómgreindarlaus eða hatursfull úr hófi. Nema hvort tveggja sé. Nú fer að styttast í að ég hætti að borga fyrir að fá þennan skít inn á heimilið.
83 athugasemdir
Ekkert ping ennþá
Sigurjón Vilhjálmsson skrifar:
16/11/2009 at 09:54 (UTC 1)
Ertu nú farinn að endurtaka það sem þú ert þegar búinn að skrifa Steini?! Það mætti halda að þú værir ekki alveg í lagi í toppstykkinu…
Svo frábið ég mér algjörlega að vera með hómófóbíu, útlendingahatur eða nokkuð annað í þeim dúr, bara fyrir það að fíla húmor Sverris Stormskers. Allir sem halda öðru fram mega eiga von á kæru fyrir meiðyrði…
Steini Briem skrifar:
16/11/2009 at 08:48 (UTC 1)
Sigurlaug.
Ég þekki fjöldann allan af börnum sem eru fyndin án þess að vera með sorakjaft.
Hæstaréttardómur nr. 653/2007:
„Með vísan til þess að framsetning greinarinnar hefði verið til þess fallin að auka sölu blaðsins var jafnframt staðfest sú niðurstaða héraðsdóms að E bæri að greiða Þ miskabætur að fjárhæð 500.000 krónur.„
Ærumeiðingar eru glæpur, refsivert athæfi, rétt eins og að sletta málningu á hús Davíðs Oddssonar.
Hins vegar er hægt að fá mun þyngri dóm fyrir ærumeiðingar en málningarslettur.
Sverrir Stormsker og Davíð Oddsson eru hér samsekir og geta báðir fengið þungan dóm fyrir ærumeiðingar haldi þeir áfram á sömu braut. Og margir myndu ekki hika við að kæra þá.
Hómófóbía, kvenhatur, útlendingahatur og að gera grín að fólki með sjúkdóma er ekkert annað en sorahugsunarháttur og enginn dómari myndi sakfella fólk fyrir slík ummæli um Sverri Stormsker og þá sem finnst slíkt fyndið.
Og ekki vantar nú sönnunargögnin þegar Sverrir Stormsker er annars vegar.
Sigurlaug Guðrún Inga Gísladóttir skrifar:
16/11/2009 at 08:38 (UTC 1)
Það stefnir í húmorslaust og ritskoðað Ísland.
Yfir hverju er verið að æsa sig eiginlega, það var ekki hægt að gera Mogganum eða Sverrir meiri greiða en með svona umræðu, svo til hamingju þið sem hrópið með vandlætingartón, þið hafið gert Sverri að mjög áhugaverðum pistlahöfundi og Moggan söluháann í lausasölu. Var það ekki það sem þið vilduð annars??
Eiður Svanberg Guðnason skrifar:
16/11/2009 at 08:33 (UTC 1)
Soffía spyr: Hver á að ákveða hvað má birta? Svarið er einfalt: Ristjórar og fréttastjórar. Til þess eru þeir. Ruglaðu ekki saman ritstjórn og ritskoðun.
Svo frábið ég mér athugasemdir á borð við þær sem Jóhamar skrifar. Mundi stroka þær út, ef ég kynni það. Þú mátt kalla það ritskoðun ef þú vilt, Soffía. Öllu frelsi eru takmörk sett. Ótakmarkað frelsi eins, er ófrelsi annarra.
Steini Briem skrifar:
16/11/2009 at 05:26 (UTC 1)
Hæstaréttardómur nr. 653/2007:
Ærumeiðingar. Ómerking ummæla. Tjáningarfrelsi. Stjórnarskrá. Miskabætur. Prentréttur.
„Þ höfðaði mál gegn E, M og ÞS til greiðslu miskabóta og ómerkingar á ummælum sem birt höfðu verið á forsíðu og í tímaritsgrein vikuritsins S&H í nóvember 2006 og lutu að fasteignaviðskiptum hennar og ÞS. Með héraðsdómi voru M og ÞS sýknaðir í málinu en E hins vegar talinn bera ábyrgð á þeim hluta ummælanna sem birt höfðu verið í tímaritsgreininni, en óumdeilt var í málinu að greinin væri rituð af E.
Í niðurstöðu Hæstaréttar kom fram að telja yrði að hluti þeirra ummæla sem E hafði ritað í umræddri tímaritsgrein fælu í sér ærumeiðandi móðgun í garð Þ og vörðuðu því við 234. gr. almennra hegningarlaga nr. 19/1940. Þá voru önnur ummæli sem Þ óskaði ómerkingar á talin fela í sér ærumeiðandi aðdróttun í hennar garð er varðar við 235. gr. almennra hegningarlaga. Var niðurstaða héraðsdóms um ómerkingu ummælanna því staðfest.
Með vísan til þess að framsetning greinarinnar hefði verið til þess fallin að auka sölu blaðsins var jafnframt staðfest sú niðurstaða héraðsdóms að E bæri að greiða Þ miskabætur að fjárhæð 500.000 krónur.“
Steini Briem skrifar:
16/11/2009 at 04:43 (UTC 1)
Sigurjón Vilhjálmsson.
Ærumeiðingar eru glæpur, refsivert athæfi, rétt eins og að sletta málningu á hús Davíðs Oddssonar.
Hins vegar er hægt að fá mun þyngri dóm fyrir ærumeiðingar en málningarslettur.
Sverrir Stormsker og Davíð Oddsson eru hér samsekir og geta báðir fengið þungan dóm fyrir ærumeiðingar haldi þeir áfram á sömu braut. Og margir myndu ekki hika við að kæra þá.
Hómófóbía, kvenhatur, útlendingahatur og að gera grín að fólki með sjúkdóma er ekkert annað en sorahugsunarháttur og enginn dómari myndi sakfella fólk fyrir slík ummæli um Sverri Stormsker og þá sem finnst slíkt fyndið.
Og ekki vantar nú sönnunargögnin þegar Sverrir Stormsker er annars vegar.
Sigurjón Vilhjálmsson skrifar:
16/11/2009 at 04:20 (UTC 1)
Voðalega er þér mikið niðri fyrir Steini bold. Þú segir hér ofar:
,,Þeim sem finnst Sverrir Stormsker fyndinn hafa nákvæmlega sama sorahugsunarháttinn og hann.„
Ég fæ ekki betur séð en þú sért þarna að gera nákvæmlega það sem þú öskrar þig hásan gegn.
Ef mér finnst Monty Python hópurinn fyndinn, er ég þá með sama hugsanaháttinn og þeir ágætu menn? Ekki aldeilis! Þú hefur bara hreint ekki nokkurt vit á því hvaða hugsanahátt aðrir hafa og skammastu þín bara!
Þeir sem ekki fatta húmorinn, hljóta að verða að þegja.
Steini Briem skrifar:
16/11/2009 at 02:41 (UTC 1)
Felix Bergsson óskar starfsfólki Morgunblaðsins til hamingju með nýja pistlahöfundinn. Stormsker er glæsileg viðbót í flóru málefnalegra skríbenta blaðsins. Og hann hefur eitthvað svo sniðugan stíl – hómofóbía, kvenhatur, útlendingahatur, grín að fólki með sjúkdóma. Já, innilega til hamingju! Agnes verður að fara að herða sig …“
Steini Briem skrifar:
16/11/2009 at 02:25 (UTC 1)
Dittó! Og ekki gleyma að fara með allar fallegu bænirnar þínar fyrir ríkisstjórninni, eins og biskupinn áður en hann dettur út af á kveldin.
Sólveig Þóra Jónsdóttir skrifar:
16/11/2009 at 02:18 (UTC 1)
Mikið rétt hjá þér Steini hér hafa allir rétt til að skrifa athugasemdir, líka ég. Ég býð góða nótt og vona að þú sofir rótt í alla nótt.
Steini Briem skrifar:
16/11/2009 at 02:18 (UTC 1)
Sólveig Þóra:
Mér er nákvæmlega sama hvað þér finnst um núverandi ríkisstjórn.
Steini Briem skrifar:
16/11/2009 at 02:15 (UTC 1)
Sólveig Þóra.
Þetta er ekki heldur þitt blogg og hér hafa allir rétt til að skrifa athugasemdir.
Og ég skal stafa þetta ofan í þig: Það skiptir akkúrat engu máli hvort Davíð Oddsson er ábyrgur fyrir soraskrifum í Mogganum eða einhver annar, enda benti höfundur þessa bloggs sérstaklega á annan fjölmiðil og einstakling sem einnig hefðu birt soraskrif:
„Þessi pistill er eitt það sóðalegasta sem ég hef lesið í dagblaði. Þetta er verra en gamli Þjóðviljinn þegar hann var sem verstur og verra en orðljótustu leiðarar Jónasar Kristjánssonar …„
Guðrún María Óskarsdóttir. skrifar:
16/11/2009 at 02:07 (UTC 1)
Getur verið að pistlahöfundur sé flokksmaður í Samfylkingunni í ljósi þessara ummæla ?
“ Ritstjórnin er annaðhvort með öllu dómgreindarlaus eða hatursfull úr hófi. Nema hvort tveggja sé. Nú fer að styttast í að ég hætti að borga fyrir að fá þennan skít inn á heimilið. „
kv.Guðrún María.
Sólveig Þóra Jónsdóttir skrifar:
16/11/2009 at 02:03 (UTC 1)
Steini Briem
Ef þú skilur ekki athugasemdina hjá mér þar sem ég er að svara eiganda þessarar síðu þá er það bara þitt vandamál. Annars skil ég ekki hvað þú ert að skipta þér af þessu því þetta er ekki þitt blogg. Það er mín skoðun að ef Davíð Oddsson væri ekki einn af ritstjórum Moggans þá væri þessi sama umræða á mörgum bloggum ekki í gangi. Ég ætla samt að reyna að stafa þetta ofan í þig.
Nýrri ritstjórn Morgunblaðsins fylgja nýir pistlahöfundur
Ritstjórarnir leggja blessun sína yfir sorann
Ritstjórnin er annaðhvort með öllu dómgreindarlaus eða hatursfull úr hófi. Nema hvort tveggja sé
Steini Briem skrifar:
16/11/2009 at 01:50 (UTC 1)
Sólveig Þóra.
Athugasemd mín nr. 36 var einmitt við athugasemd þína nr. 31. Nema hvað?!
Kama Sutra skrifar:
16/11/2009 at 01:47 (UTC 1)
Á meðan smjörlíkisklípumeistarinn er að endurskrifa söguna reynir hann að skapa sundrungu hjá þjóðinni og lætur hana eltast við smjörlíkisfjöll svo hann fái sjálfur frið við sögufölsunina.
Steini Briem skrifar:
16/11/2009 at 01:46 (UTC 1)
Ég fordæmi jafn mikið málningarslettur á húsi Davíðs Oddssonar og þær ærumeiðingar sem hann er ábyrgur fyrir í Mogganum.
Hvorutveggja er refsivert.
Sólveig Þóra Jónsdóttir skrifar:
16/11/2009 at 01:45 (UTC 1)
Steini Briem
Það er alveg nauðsynlegt að lesa athugasemdir áður en gerð er athugasemd við athugasemd. Sjá athugasemd mína nr. 31
Steini Briem skrifar:
16/11/2009 at 01:39 (UTC 1)
Sólveg Þóra Jónsdóttir.
Það er alltaf nauðsynlegt að lesa fyrst það sem kemur fram í viðkomandi bloggi áður en skrifaðar eru athugasemdir við það.
Í þessu bloggi, sem er mjög stutt, segir meðal annars:
„Þessi pistill er eitt það sóðalegasta sem ég hef lesið í dagblaði. Þetta er verra en gamli Þjóðviljinn þegar hann var sem verstur og verra en orðljótustu leiðarar Jónasar Kristjánssonar, skrifaðir í geðillskuköstum.“
Kama Sutra skrifar:
16/11/2009 at 01:26 (UTC 1)
Hrunkónginum er að takast ætlunarverk sitt sem var ástæðan fyrir því að hann plantaði sjálfum sér í ritstjórastólinn í Hádegiskreppumóum: Að skipta þjóðinni upp í tvær andstæðar skotgrafafylkingar. Við og þið.
Sólveig Þóra Jónsdóttir skrifar:
16/11/2009 at 01:18 (UTC 1)
Eina ástæðan fyrir þessari umræðu hér er af því að Davíð Oddsson er einn af ritstjórum Moggans. Þetta snýst ekki um skrif Sverris Stormskers sem er mjög góður penni að mínu mati. Málið snýst um Davíð Oddsson. Ekki satt.
Steini Briem skrifar:
16/11/2009 at 01:15 (UTC 1)
Ef ég reyndi að gera lítið úr Hannesi Hólmsteini Gissurarsyni fyrir það eitt að vera hommi gæti það verið refsivert.
Steini Briem skrifar:
16/11/2009 at 00:34 (UTC 1)
Og ég þekki fjöldann allan af börnum sem eru fyndin án þess að vera með sorakjaft.
Steini Briem skrifar:
16/11/2009 at 00:15 (UTC 1)
Soffía.
Það er eitt að hafa skoðun á einhverju máli og rökstyðja hana en það er allt annað mál að bera út ærumeiðingar.
Tjáningarfrelsinu eru settar ákveðnar skorður í Almennum hegningarlögum og það ekki að ástæðulausu.
Og við þurfum engan veginn á dómurum að halda í öllum málum til að sjá hvort þar er um ærumeiðingar að ræða eða ekki.
Sjálfur hef ég verið blaðamaður á Mogganum og það hvarflaði aldrei að mér að bera þar út ærumeiðingar.
Soffía skrifar:
16/11/2009 at 00:01 (UTC 1)
Ég er ekkert að segja að okkur komi það ekki við sem stendur í Mogganum. Það er það góða við tjáningarfrelsið að við getum haft skoðanir á því og viðrað þær eins og okkur sýnist. Það sem ég er að benda á er að sumt sem birtist í Mogganum eða annars staðar getur verið í andstöðu við mínar skoðanir en samt sem áður get ég ómögulega sett mig upp á móti því að það birtist á prenti! Því fer fjarri að ég sé sammála öllu sem birtist í Mogganum en aldrei hefur hvarflað að mér að reyna að koma í veg fyrir að einhver skrifi í blaðið, hvað þá að hætta að lesa allt hitt sem mér finnst skemmtilegt bara af því að einhver einn dálkahöfundur er dónalegur, leiðinlegur eða á annarri línu en ég í pólitíkinni! Hver á að dæma um hvað má og má ekki? Hvað telst dónalegt? Hvað telst rangt? Jafnvel þó það sé innan ramma laganna? Það væru hræðileg völd að fela einhverjum.
Verðum við ekki að treysta því að blaðamenn/lausapennar haldi sig innan ramma laganna og ef ekki að þeir verði kærðir og dæmdir réttilega? Allt annað er fuss og svei í misgeðillum lesendum eins og mér og Eiði.
Disa skrifar:
16/11/2009 at 00:00 (UTC 1)
Hef aldrei fundist jafn skemmtilegt að lesa Moggann eins og nú um helgina. Það er endalaust verið að gera grín að fólki í sjónvarpi og fleiri fjölmiðlun, afhverju ætti að taka þetta svona heilagt. Maður verður að geta brosað á milli tára:)
Aldrei hægt að gera öllum til geðs
Steini Briem skrifar:
15/11/2009 at 23:57 (UTC 1)
Og það er beinlínis hlægilegt þegar Davíð Oddsson kvartar undan og kallar til lögregluna út af nokkrum málningarslettum á húsi sínu, sem íslenskur almenningur hefur greitt upp í topp, þegar hann sjálfur brýtur Almenn hegningarlög með því að bera út ærumeiðingar.
Steini Briem skrifar:
15/11/2009 at 23:36 (UTC 1)
Soffía.
Okkur kemur öllum við hvað birtist í Mogganum og öllum öðrum fjölmiðlum landsins, til dæmis bloggsíðum, enda greiðum við öll fyrir það sem þar birtist með áskriftar- og afnotagjöldum eða kaupum á vörum sem þar eru auglýstar, hvort sem við notum sjálf viðkomandi fjölmiðil eða ekki. Allur kostnaður vegna framleiðslu og sölu þarf að vera innifalinn í vöruverðinu.
Hvort höfðað er mál vegna brots á Almennum hegningarlögum eða ekki skiptir hér engu máli.
Innbrot er refsiverður verknaður, enda þótt ekki sé höfðað mál vegna þess.
Soffía skrifar:
15/11/2009 at 23:18 (UTC 1)
Mér finnst Sverrir Stormsker oft fara yfir strikið og hann var á mörkunum í þessari grein – þ.e miðað við mína siðferðiskennd. En hún á ekki að ráða því hvað birtist í Moggnanum. Ekki heldur ykkar. Ef fólk telur að Sverrir hafi brotið á þeim eða gert eitthvað sem varðar við lög þá ætti það bara að kæra hann. En ég held að öll ritskoðun sé hættuleg. Hver á að ákveða hvað má birta? Ef þér líkar ekki við það sem stendur í pistlum Sverrirs þá hættir þú auðvitað að lesa þá – ekki allt blaðið!
Steini Briem skrifar:
15/11/2009 at 23:16 (UTC 1)
Finnst mönnum eðlilegt að Mogginn loki hér bloggsíðum en beri svo sjálfur út meiðyrði og brjóti þannig Almenn hegningarlög?!
Mogginn er þar einnig sjálfur ábyrgur, og þar með lögfræðingurinn Davíð Oddsson sem ritstjóri blaðsins, en ekki einungis höfundurinn.
Steini Briem skrifar:
15/11/2009 at 23:06 (UTC 1)
Frjálslyndi flokkurinn er nær horfinn.
Hvers vegna halda menn að svo sé?
Steini Briem skrifar:
15/11/2009 at 23:00 (UTC 1)
Það er mikill misskilningur ef menn halda að hægt sé að segja hvað sem er í fjölmiðlum landsins og bloggsíður eru einnig fjölmiðlar:
234. gr. Hver, sem meiðir æru annars manns með móðgun í orðum eða athöfnum, og hver, sem ber slíkt út, skal sæta sektum eða fangelsi allt að 1 ári.
235. gr. Ef maður dróttar að öðrum manni einhverju því, sem verða myndi virðingu hans til hnekkis, eða ber slíka aðdróttun út, þá varðar það sektum eða fangelsi allt að 1 ári.
236. gr. Sé ærumeiðandi aðdróttun höfð í frammi eða borin út gegn betri vitund, þá varðar það fangelsi allt að 2 árum.
Sé aðdróttun birt eða borin út opinberlega, enda þótt sakaráberi hafi ekki haft sennilega ástæðu til að halda hana rétta, þá varðar það sektum eða fangelsi allt að 2 árum.
237. gr. Ef maður bregður manni brigslum án nokkurs tilefnis, þá varðar það sektum, þótt hann segi satt.“
Almenn hegningarlög nr. 19/1940
Óskar skrifar:
15/11/2009 at 21:32 (UTC 1)
Ég hef oft lesið blogg Sverris og haft gaman af, flott mál að hann geti létt lund okkar sem lesa moggann fílupúkarnir geta lesið eitthvað þyngra sem hæfir húmorslausu liði. Svo er ein einföld lausn á vandamálinu sem ég nota oft með þá pistlahöfunda sem eg hef ekki gaman af, ég sleppi bara að lesa greinarnar, einfalt mál.
Sigurður Hjaltested skrifar:
15/11/2009 at 21:21 (UTC 1)
Ef ykkar húmor nær ekki yfir skrif Stormskers og blaðið er svona lélegt af hverju segið þið þá ekki bara upp áskriftinni og hættið að blogga hjá þessu ógeðfelda fjölmiðli að ykkar sögn. mikið held ég að bloggið hér á Mogganum verði miklu mun betra þegar það losnar við ykkur
Sigurður Þór Guðjónsson skrifar:
15/11/2009 at 19:08 (UTC 1)
Ég verð nú bara að segja að ekki er meiri ræsisbragur á þessum skrifum en oft á leiðurum Moggans bæði fyrr og síðar. Það er mesti misskilningur að kurteislegt og fágað orðbragð geti leynt þeim sora sem undir býr. Leiðarar Moggans, Staksteinar og Reykjavíkurbréf hafa verið botninn í íslensu ritmáli í marga áratugi.
Sigurjón Vilhjálmsson skrifar:
15/11/2009 at 19:07 (UTC 1)
Ég átta mig ekki á því hvers vegna þið eigið að fá að ráða því hvað skrifað er í Moggann. Ég hvet síðuhöfund eindregið til að segja upp áskriftinni af blaðinu sem hann telur vera að dreifa sora og viðbjóði yfir almenning þegar það birtir greinar eftir menn úti í bæ.
Hvers vegna ætti það að vera miðlinum til ósóma að birta greinar sem falla í misgrýttan jarðveg? Hvers vegna er það ekki höfundurinn sem ber ábyrgð? Hvar á að hefja ritstjórn? Ef ritstjórnin er ósammála höfundum sem vilja birta greinar í blaðinu, á hún þá að neita að birta greinina? Hver skilgreinir velsæmismörkin sem þið siðapostular viljið vera láta að sé farið yfir? Eruð það þið? Ætlið þið að skilgreina hvað má og hvað má ekki birta?! Vinsamlegat útskýrið í þaula hvað má að ykkar mati ekki birta og hvað má birta…
Kveðja langt austan að, Sigurjón
Emil Hannes Valgeirsson skrifar:
15/11/2009 at 18:37 (UTC 1)
Þessi H.G. ætti að sækja um sem pistlahöfundur á Morgunblaðinu. Hann/hún yrði ráðinn á stundinni.
Brattur skrifar:
15/11/2009 at 18:35 (UTC 1)
Það er kosturinn við tjáningarfrelsið að menn eins og Sverrrir Stormsker sýna okkur inn í myrka sálarkima sína. Slíkar sálir eru beinlínis vondar og of heimskar til að halda hugsunum sínum fyrir sjálfa sig.
Eiður Svanberg Guðnason skrifar:
15/11/2009 at 18:21 (UTC 1)
H.G. Ert þú svo huglaus,ragur ,að þú þorir ekki að skrifa undir nafni ?
H.G. skrifar:
15/11/2009 at 18:00 (UTC 1)
Gerið þið ykkur grein fyrir, Eiður og Sigurður, að sennilega eruð þið leiðinlegustu og húmorslausustu menn veraldar?
Búnir með miðaldursárin og orðnir súrir, beiskir og ótrúlega fúllyndir gamlir menn.
Sennilega hefur enginn gagnrýnt Davíð Oddsson meira en Sverrir. En hann er ekki haldinn sömu eineltisþránni og þið tveir. Og ólíkt ykkur þá hefur hann beitt skopskyn og vitsmuni til að halda uppi stórskemmtilegri þjóðfélagsgagnrýni.
Gerið okkur nú bara öllum greiða og hættið að skrifa opinberlega. Þið eruð eins og hjáróma kellingar á elliheimili. Einstaklega hvimleiðir og dragúldnir nöldurseggir.
Eiður Svanberg Guðnason skrifar:
15/11/2009 at 17:09 (UTC 1)
Þetta snýst ekki um tjáningarfrelsi , Baldvin. Þetta snýst um velsæmi og mannasiði. Mér finnst frekar dapurlegt að til skuli fólk,sem ekki skilur það.
baldvin berndsen skrifar:
15/11/2009 at 16:41 (UTC 1)
Það er frekar dapurt að sjá að enn er til fólk á Íslandi sem vill leggja stein í götu tjáningarfrelsis og hefta eða banna almenna umræðu, jafnvel þótt að umræðan sé ekki þeim til hæfis. Lokað þjóðfélag og skerðing á tjáningarfrelsi er banvænt og ég endurtek að Sverrir Stormsker og MBL hafa fullan rétt á að tjá sig á þennan hátt. Ef einhver hefur orðið fyrir persónulegum skaða af orðum þeirra þá er það á herðum dómstóla að skera úr um það.
Eiður Svanberg Guðnason skrifar:
15/11/2009 at 16:22 (UTC 1)
Ég er búinn að lesa þitt ágæta, innlegg Sigurður Grétar. Gott.
Eiður Svanberg Guðnason skrifar:
15/11/2009 at 16:21 (UTC 1)
Þertta hefur nákvæmlega ekkert með kímnigáfu að gera, Baldvin. Að hæðast að veikindium fólks er hvorki fyndið né stórmannlegt.
Ritskoðun er að meina fólki að koma skoðunum sínum á framfæri.
Ritstjórn er meðal annars að meta hvað sé birtingarhæft og hvað ekki vegna orðbtragðs, eða persónuníðs til dæmis.
Einu sinni var Morgunblaðið sæmilega sómakært blað. Því er ekki fyrir að fara lengur.
Ég stend við það að birting þessarar greinar ber vott um einstakt dómgreinarleysi og hatur í garð tiltekinnar manneskju. Þannig á ekki að beita blöðum.
baldvin berndsen skrifar:
15/11/2009 at 16:05 (UTC 1)
Anna : Ég held að þú sért að misskilja mig. Ég mundi aldrei persónulega sjálfur hæðast að fólki en ég virði rétt Sverris Stormsker að gera það. Þetta flokkast, að mínu mati, undir tjáningarfrelsi einstaklingsins og fjölmiðla. Kúkur og piss, Ómar, eru ekki vond orð, nema ef túlkandi setur sig í svo háan sess að enginn megi nota þessi orð nema með hans leyfi. Þá verða þessi orð '' skítkast ''. Það er túlkunin sem skiptir máli. Kúkur og piss eru raunverulegt fyrirbæri ! En ég persónulega nota ekki slík orð í einu eða neinu. Sverri má það, fyrir mér.
Anna Einarsdóttir skrifar:
15/11/2009 at 15:18 (UTC 1)
Kallast það nú kímnigáfa að hæðast að fólki persónulega, Baldvin ?
Þá er nú illa komið fyrir okkur.
Ómar Bjarki Kristjánsson skrifar:
15/11/2009 at 15:17 (UTC 1)
Ja kímnigáfa.
Á vissum aldri finnst börnum sniðgugt að segja kúk og piss eins og kunnugt er.
Í öllum tilfellum þroskast þetta af einstaklingum afar snemma.
Nema, að því er virðist, af einhverjum 5 íslendingum (gætu verið fleiri, skal eigi fullyrða um það að svo stöddu)
baldvin berndsen skrifar:
15/11/2009 at 14:46 (UTC 1)
Sæll Eiður, og félagar. Nú verð ég að vera ósammála ykkur. Það verður að vera opin og frjáls umræða í fjölmiðlum og '' háðsleg ummæli '' Sverris Stormsker eiga ekki að vera undanskilin. Ég tek upp hanskann fyrir MBL ritstjórn. Ég held að þið skiljið ekki háðið sem felst í skrifunum hjá Stormsker. Ég get tekið dæmi frá Bandaríkjunum, þar sem yfirvöld, stjórnmálamenn og aðrir fá það óþvegið á hverjum laugardegi þar í landi með sjónvarpsþættinum Saturday Night Live og þetta er á virtri stofnun, NBC. Sem sagt, tjáningarfrelsi. Ef þið sjáið ekki að ykkar kímnigáfa nær ef til vill ekki alveg eins langt og annarra þá megið þíð ekki leggjast gegn kímnigáfu annarra. Sverrir er ekki sóði. Hann notar saklaus orð sem geta verið mistúlkuð hjá mörgum en hann á að fá að tjá sig, eins og við hinir. Svo er það bara ykkar val hvort þið lesið hans skrif eða ekki. Ekki setja ykkur í dómarasæti og banna eitthvað á ykkar eigin forsendum.
Einar Guðjónsson skrifar:
15/11/2009 at 14:17 (UTC 1)
Skil núna hvað Ólafur Ragnar átti við þegar hann ræddi´´ skítlegt eðli´´. Sigurður, það eru flestir að segja Morgunblaðinu upp en þú færð það áfram og það kann að þurfa að ítreka uppsögnina oft. Spurningin er hvert á maður að færa bloggið ?
Sigurður Grétar Guðmundsson skrifar:
15/11/2009 at 14:02 (UTC 1)
Sæll Eiður
Kíktu inn til mín; siggigretar.blogg.is ef þú hefur ekki þegar gert það. Ég gat ekki orða bundist þegar ég sá það sem sóðinn Sverir Stormsker skrifaði í gær í sínum „laugardagspistli“. Þetta varð einnig til þess að ég sagði upp áskrift að Morgunblaðinu.
KVeðja,
Sigurður Grétar
1 2 Næsta »