Það er of algengt að heilbrigt fólk,sem nennir ekki að ganga fáeina metra leggi í bílastæði sem eru sérmerkt fötluðum og eru nálægt inngangi ýmissa verslana og fyrirtækja. Þessi stæði eru rækilega merkt og þarf enginn að velkjast í vafa um hverjum þau eru ætluð. Þeir sem mega nota þessi stæði eru með sérstakt spjald við framrúðu bifreiðarinnar sem gefur það til kynna.
Á fimmta tímanum í dag var tveimur bifreiðum lagt ólöglega í bílastæði fatlaðra við dyr Bónusverslunarinnar við Reykjanesbraut í Hafnarfirði. Sá sem þetta skrifar hefur það fyrir reglu að gera athugasemd við ökumenn bíla sem misnota þessi bílastæði , ef kostur er , og taka mynd ef myndavélin er í vasanum.
Konan sem sat undir stýri NA 180 sagðist mundu færa sig , ef einhver fatlaður kæmi. Þegar ég tók upp myndavélina ákvað hún að færa bílinn.
Viðbrögð konunnar sem ók hinum bílnum TF008 voru á annan veg , því hún hreinlega ærðist, er ég mundaði myndavélina ,- ekki skal tíundað allt sem hún sagði en hún spurði hvað mér kæmi þetta við og sagði svo: „Ég skal kýla þig á kjaftinn , helvítis hálfvitinn þinn“. Að þessu urðu allmargir vitni.
So vill til að í fjölskyldu minni er fatlaður einstaklingur og því veit ég að það skiptir miklu máli að þessi bílastæði séu ekki misnotuð. Ég mund því halda áfram að gera athugasemdir við þá sem með þessum hætti níðast á fötluðu fólki. Það er eiginlega borgaraleg skylda.
17 athugasemdir
Ekkert ping ennþá
Margrét Birna Auðunsdóttir skrifar:
30/07/2009 at 18:55 (UTC 1)
Nú veit ég ekki, en eru einhver viðurlög við því að leggja í þessi stæði? Ég hef aldrei orðið vör við að neinn væri sektaður fyrir það.
Það eina sem virðist geta hreyft við fólki er ef það er sektað. Helst nógu mikið.
Það er því miður ekki hægt að höfða til siðferðiskenndarinnar hjá Íslendingum almennt, hún virðist ekki vera til. Allavega finnst fólki þetta furðu sjálfsagt og bregst svona harkalega við því að innst inni veit fólk mætavel að þetta er rangt. En hættir samt ekki að nota þessi stæði því að það eru engin viðurlög.
Eiður skrifar:
24/07/2009 at 19:07 (UTC 1)
Jónína Þorbjörg , – ég veit hver á báða bílana og þar að auki á ég mynd af konunnni orðljótu. Kaus að birta hana ekki að svo stöddu.
Marín, ef ég má vera svolítið grófur, – þá hafa útrásardólgarnir ekki bara skitið á sig, þeir hafa skitið á þig , mig og þjóðina alla.
Jónína Þorbjörg Gunnarsdóttir skrifar:
24/07/2009 at 17:27 (UTC 1)
Þú getur hringt eitt samtal í Umferðastofu til þess að komast að því hver á bílinn sem er með þessu númeri. Það er ótrúlegt hvað fólk getur verið ósvífið og frekt að hika ekki við að leggja í bílastæði sem er sérmerkt. Ég var að vinna á Grensásdeildinni og þar er sérmerkt bílastæði við innganginn sem fólk lagði í sem virtist alveg vera fullfrískt, bara til þess að skreppa aðeins.
Sigurður #1 skrifar:
24/07/2009 at 12:53 (UTC 1)
Flott framtak.
Marín Jónsdóttir skrifar:
24/07/2009 at 12:27 (UTC 1)
Mikið er ég sammála borgaralegu eftirliti eins og í þessu tilfelli,tökum höndum saman, sem einn maður ,og verjum þau litlu réttindi sem lítilmagninn hefur í þessu annars sérkennilega þjóðfélagi sem byrjar á að hækka skatta þeirra sem minnst eiga þegar útrásardólgarnir hafa skitið á sig.
Ólafur I Hrólfsson skrifar:
24/07/2009 at 11:49 (UTC 1)
Takk fyrir þetta umræðuefni og þitt framlag –
sjálfur hef ég gert athugasemdir og fengið mismunandi svör – eitt var frá konu sem lagði við 10-11 á Hverfisgötu – ÉG MÁ VÍST LEGGJA HÉR – ÉG ER MEÐ FATLAÐANN SON HEIMA – einmitt – þá má semsagt sonur sem er undir aldri kaupa vín vegna þess að hann á móður sem er kominn á vínkaupaaldur – nú eða aka bifhjóli vegna þess að „bróðir minn er með bifhjólapróf“.
Annars er ég ósammála því þegar talað er um að fullfrískt fólk ( veit þó vel hvað þið eruð að tala um ) leggi í stæði fyrir fatlaða. Það er eitthvað að hjá „fullfrísku“ fóliki sem gerir slíkt.
truntan skrifar:
24/07/2009 at 08:25 (UTC 1)
Ég er svo innilega sammála þér Eiður og átt þú þakkir skyldar fyrir framtakið. Ég á faltlaðan föður í hjólastól.
Ég man enn eftir einum af okkar bestu fótboltamönnum leggja rauða sportbílnum sínum í svona stæði og hlaupa svo inn í búðina. Þá missti ég alla virðingu fyrir honum. Þetta gerðist fyrir ca. 20 árum, enn er þetta sú minnig sem kemur fyrst upp í hugann þegar talað er um hann.
Eiður skrifar:
24/07/2009 at 07:53 (UTC 1)
Sólveig , það getur enginn bannað þér að taka mynd af bíl sem stendur á bílastæði sem ætlað er almenningi. Í rauninni ætti að nota myndirnar sem ég tók til að kæra og sekta þessar konur sem lögðu í stæði fatlaðra.
Sæmundur, það er hárrétt hjá þér að ein af ástæðunum, fyrir því að íslenskt samfélag fór á hliðina er virðingarleysi fyrir lögum og reglum. Virðingar- og agaleysi blasir við öllum í umferðinni, til dæmis. Fólk blaðrar í símann í akstri , þótt það viti vel að slíkt varði við lög. Ökumenn gefa ekki stefnuljós, enda þótt það sé lagaskylda. Það er beint samband milli þess hve stór og dýr bíllinn er og hve miklar líkur eru á að ökumaður sé að blaðra símann eða láti vera að gefa stefnuljós. Sumir stórbílaeigendur telja sér líka heimilt að leggja hvar sem er.
Sólveig Hannesdóttir skrifar:
24/07/2009 at 02:24 (UTC 1)
Sammála Sævari, en hins vegar Eiður. Er leyfilegt að taka myndir af svona aturðum?. Mig hefur stundum langað að munda símann, en ekki þorað. En ég bara styð þetta. Síðan er engum leyfilegt að kalla mann illum nöfnum bara alls ekki. Hef nefnilega lent í einu þannig ámóta. Skrifaði númer mannsins niður, en það hefur ekki náð lengra. Við verðum bara að fara standa okkur betur í samfélagsmálunum, einmitt í þessu.
Steini Briem skrifar:
23/07/2009 at 22:00 (UTC 1)
Jamm, það á að hækka þessar sektir strax upp í fimmtíu þúsund krónur og láta þær renna í ríkissjóð.
Og ef þær verða ekki greiddar innan tíu daga á að gera bílana upptæka.
Þessar kerlingar geta þá grenjað úr sér augun vegna eigin heimsku.
Birgir Örn Birgisson skrifar:
23/07/2009 at 21:44 (UTC 1)
Sumar kerlingar.
Sævar Helgason skrifar:
23/07/2009 at 21:44 (UTC 1)
Virðing margra fyrir bílastæðum er ekki á háu plani- það þarf ekki bílastæði fatlaðra til.
Einmitt þarna við Bónusbúðina, sem Eiður nefnir , er nýlega búið að raða stórum blómakössum með gangstéttinni framan við búðina. Fólk hikaði ekki við að leggja bílum stórum og smáum upp á miðja gangstéttina ,í röðum-meðan það verslaði Og yrði manni á að benda á að þetta væri gangsétt en ekki bílastæði- fékk maður bara fingurinn.
Lausn Bónus voru þessar blómakassahindranir-gegn þessu liði.
Auðvitað á að beita háum sektum gegn svona virðingaleysi fyrir umferðalögum.
Erum við ekki stödd núna með okkar efnahagsmál í hruni vegna virðingaleysis gagnvart lögum og reglum ?
Steini Briem skrifar:
23/07/2009 at 21:13 (UTC 1)
Umferðarlög nr. 50/1987:
28. grein. Eigi má stöðva ökutæki eða leggja því:
a. á gangbraut eða í minna en 5 metra fjarlægð áður en að henni er komið, …
j. á merktu stæði fyrir bifreiðir fatlaðra.“
Steini Briem skrifar:
23/07/2009 at 20:58 (UTC 1)
Almenn hegningarlög nr. 19/1940:
233. grein. Hver sem hefur í frammi hótun um að fremja refsiverðan verknað og hótunin er til þess fallin að vekja hjá öðrum manni ótta um líf, heilbrigði eða velferð sína eða annarra, þá varðar það sektum eða fangelsi allt að 2 árum.“
Axel Jóhann Hallgrímsson skrifar:
23/07/2009 at 19:43 (UTC 1)
Sammála, þetta er fullfrísku fólki, sem misnotar þessi stæði, til háborinnar skammar.
Sigurður Sigurðsson skrifar:
23/07/2009 at 18:57 (UTC 1)
Svona misnotkun á bílastæðum fyrir fatlaða sér maður því miður alltof oft og hún er til háborinnar skammar þeim sem misnota. Ég lenti í því um daginn að benda einum slíkum afar kurteislega á að þessi bílastæði séu einungis ætluð líkamlega fötluðum ökumönnum og hann tók ábendingunni alveg einstaklega illa! Alveg sammála að það er borgaraleg skylda að gera athugasemdir við svona misnotkun.
Aðalbjörn Leifsson skrifar:
23/07/2009 at 18:16 (UTC 1)
Ég er sammála þér, bílastæði fyrir fatlaða eru fyrir þá eina.